Хийжүүлсэн ундааны хор хөнөөл
Эрүүл мэнд
Бидний хэлж заншснаар газтай ундааны 90 хувь нь хийжүүлсэн уснаас тогтох ба мөн шингэрүүлсэн сахар, фосфорын хүчил ба кофеиноос бүрддэг гэнэ. Газтай ундаа нь ходоод, шүд, улаан хоолойг үрэвсүүлдэг ба цаашлаад таргалалт үүсгэдэг байна. Тэгвэл газтай ундааны хор хөнөөлийн талаар хүргэе.
1. Дотор эрхтэнд муу
Нүүрс хүчлийн хий нь дотор гэдэсний замыг цочроож, ходоод, улаан хоолойн үрэвсэлт өвчин үүсэх гол шалтгаан болдог. Мөн цөсний хүүдий болон элгэнд муугаар нөлөөлдөг гэнэ.
2. Шүд хорхойтно
Хүйтэн, сахар ихтэй ундааг их хэмжээгээр хэрэглэснээр шүдний цоорол үүсч, хорхойтдог байна. Яагаад гэвэл 200 гр хийжүүлсэн ундаанд 5 цайны халбага сахар агуулагддаг.
Тиймээс таргалалт, харшил, батгашилт, шүдний цооролт үүсдэг байна.
Бүр зарим эрдэмтэд сахарыг ‘амтлаг үхэл, цагаан үхэл’ гэж нэрлэдэг гэнэ шүү.
3. Ясны сийрэгжилттэй болно
Газтай ундааг их хэмжээгээр хэрэглэснээр яснаас кальцийг гадагшлуулдаг байна. Ингэснээр ясны сийрэгжилттэй болж, ялангуяа хүүхдүүдэд ясны хугарал илүү тохиолдохоос гадна дархлаа буурах, ясны бусад төрлийн өвчнөөр өвдөх эрсдэлийг нэмэгдүүлдэг гэнэ.
4. Кофеин агуулдаг учир донтой болдог
Газтай ундаанд агуулагдах кофеин нь нойргүйдлийг үүсгэдэг. Тухайлбал, хүүхэд 2 стакан ундаа уухад л нойргүйдэл үүсдэг гэнэ.
Хамгийн аюултай нь таны бие кофеинд амархан дасал болдог ба сэргээшийн бодистой ижил үйлчилгээ үзүүлдэг тул дахин дахин хэрэглэх донтой болгодог байна.
5. Мэдрэл сэтгэхүйд нөлөөлдөг
Газтай ундаа нь амны цангааг тайлдаггүй. Яагаад гэвэл түүнд синтетик сахар орлуулагч ихээр агуулагддаг учир улам цангуулж, ихээр уух хүслийг бий болгодог байна.
Ингээд байнга их хэмжээгээр хэрэглэснээр таны мэдрэл сэтгэхүйд нөлөөлөх өндөр магадлалтай гэнэ.
6. Таргалалт үүсгэнэ
Газтай ундаа ууснаар таны биеийн өөх тос задрахгүй, өөх тос, нүүрс хуримтлагдсаар биеийн жин нэмэгдэж, таргалалт үүсдэг байна. Тиймээс ямар ч төрлийн газтай ундаанаас татгалзаж, сүү, цагаан идээ, жимс жимсгэнэ, хэрэглэж эрүүл мэндээ хамгаалаарай.
Таньд эрүүл энхийг хүсье
Хийморь Чука
